ნატო-სთან საქართველოს წარმომადგენლობამ მონაწილეობა მიიღო ალიანსის მიერ ორგანიზებულ ყოველწლიურ საქველმოქმედო ბაზრობაში

2024 წლის 17 ნოემბერს, ნატო-სთან საქართველოს წარმომადგენლობამ მონაწილეობა მიიღო ალიანსის შტაბ-ბინაში გამართულ ტრადიციულ საქველმოქმედო ბაზრობაში.

ნატო-სთან საქართველოს წარმომადგენლობის სტენდზე წარმოდგენილი იყო ქართული ღვინო, სუნელები, სუვენირები და პუბლიკაციები საქართველოს პოპულარიზაციისთვის.

საქველმოქმედო ბაზრობის შედეგად მიღებული თანხა ღონისძიების ორგანიზატორებს გადაეცა, რომელიც საერთაშორისო საქველმოქმედო ფონდებს მოხმარდება.

აღსანიშნავია, რომ ნატო-ს საქველმოქმედო ბაზრობა ყოველწლიურად იმართება, რომელშიც მონაწილეობას ალიანსის წევრი და პარტნიორი ქვეყნების წარმომადგენლობები იღებენ.